砌卡組相關
昆特既卡有四類：單位（Unit），
特殊（Special），
神器（Artifact），
戰術（Stratagem）。
單位牌同神器牌打出後會留係場上，佔用戰場空間；特殊牌唔會留場，打出後送去墓地。
戰術牌會係第一小局開始時自動出現於 先手方 場上。任何卡組都必定有一張戰術牌。
每一張卡（除咗戰術牌）既 右下角 都有一個數字，呢個數字代表張卡既 人口（Provision Cost）。愈勁既卡 人口 數愈高。
砌卡組時有 人口 限制（150 ＋領袖技能額外提供），你副卡組每一張牌既 人口 加埋唔可以超過呢個上限。
如上圖，如果用 Fruits of Ysgith 做領袖技能，咁副卡組就最多容納 161（=150+11） 人口，如用 Blood Scent 就 165（=150+15） 人口，如此類推。
一副卡組最少 25 張卡（可以多過 25，但 非常不推薦），最少 13 張單位牌。
一副卡組只能有本陣營卡或中立卡，例如 怪獸 卡組只可以有 怪獸 卡同中立卡。
Q. 去咩網抄卡組?
A. 記住抄卡組需謹慎。睇清楚自己抄緊啲乜，抄完要識玩。
新手切勿同 META 作對，要抄就抄 T1/T2。
（抄之前請先睇下文章既發佈時間，META 通常每個月頭轉變一次）
Team Elder Blood: Meta Snapshot
有時間既話可以去Twitch/Youtube 睇高手玩，順便抄埋佢地既卡組。
用 PC 睇 Twitch 昆特台直播時，係墓地同卡組旁邊都有眼球圖案（重播冇），如下圖：
撳入去就會睇到墓地同牌組有咩牌。
你可以等佢一開局時就睇佢手牌同牌組（例如 Cap 低圖），咁就可以方便地抄卡組。
又或者可以用抄 Deck 既聊天室指令碼（通常係 !deck ），但唔一定有。
Q. 有冇新手入門卡組（Budget Deck）?
A. 參考以下文章：
我個人砌咗一套平民怪獸，應該夠你打上 R20。
當然你都可以直接合副未成型既主流卡組玩住先。
Q. 點睇卡既稀有度?
A. 首先，昆特有分金卡同銅卡，可以睇張卡既外框顏色判斷。
一副卡組內同名金卡最多有一張，同名銅卡最多有兩張。
留意下圖四張卡既左上有個三角（綠圈圈住），呢個三角既顏色代表稀有度。
稀有度由高至低：橙＞紫＞藍＞白。金卡必定為橙或紫，銅卡必定為藍或白。
另外提醒下，金卡同橙卡係兩樣野黎：金卡係指有金色邊框既卡，可紫可橙；
橙卡特指最高稀有度（即傳說）既卡（如上圖最左）。要認清兩者分別。
Q. 點解有啲普卡分唔到?
A. 
Starter Set（起始牌組）既普卡不可分解。
另外，Starter Set 既普卡唔可以鍍閃，想要閃卡就必須直接合。