遊戲玩法相關
Q. 有咩要注意既細節？
A. 有好多，諗到乜講乜：
1. 遊戲時，可以撳右下自己卡組睇入面仲有咩卡。
要留意卡組係 唔按順序 展示出黎。
2. 每行最多放 9 張卡。
單位／
神器／ 先手 
戰術牌（Stratagem） 全部會佔位置。玩鋪場卡組時尤其要注意。
3. 如果你當回合未出牌，但用咗場上既指令（Order）或領袖技能，咁你就必須打出一張牌。
所以用指令（Order）／領袖技能／先手戰術牌（Stratagem）之前要諗清楚。
一用咗就冇得 Pass，必須出牌。
4. 可以主動將手牌放入墓地（唔會觸發棄牌效果）。
咁做當你出咗牌，可以結束回合。呢招有時有決定性作用。
另外，如果你燒完繩都未出牌，系統就會隨機丟棄你一張手牌。
5. 平局下雙方各加一小勝。
所以如果你輸咗 R1，R2 再平局，你就會輸（二比一）。
6. 特別既卡牌效果介紹
If your starting deck has no duplicates, send Shupe on an adventure.
若己方起始牌組沒有重複牌，則派“店店”去冒險。
實際效果
如果玩家起始卡組（即卡組編輯器內的卡組構成，與使用此卡當下的卡組情況無關）內沒有重複卡，
玩家先從
系統從所選類型的五種效果中隨機選出三個效果。
玩家從三個效果中擇一，最後打出店店並觸發所選效果。
（註：長按卡片會彈出卡片效果介面，可從中找到效果一覽）
This unit may raid the battlefield to aid you in battle.
它可能會沖入戰場，協助你戰鬥。
實際效果
我方每回合結束時，如果此卡在卡組，則有一定機率從卡組召喚（Summon）至我方場上隨機一列。
（未被官方確認的）機率公式：100% - 10% * 我方手牌數。
（註：我方 Pass 後此卡仍然可以觸發效果）
Q. 對面有 9 力以上既怪，點解我用傑洛特唔可以揀佢去殺？
A. 99.999%係因為對面同一行既其他單位有
衛士（Defender）狀態。
如果敵方某一行有
衛士單位，咁你任何既 指定效果 都唔可以指定佢果一行既其他卡，只能指定佢。
現時每個陣營都有一張衛士，新手要花少少時間認住佢地。
用帶 淨化（Purify） 效果既卡（如 Geralt: Axii, Pellar），可以 移除
衛士狀態。
留意唔同爐石，昆特既鎖定（Lock）清唔到衛士狀態，必須用淨化（或者直接將衛士摧毀）。
淨化 會移除單位上既所有 狀態（Status），正面或反面 狀態 都會一下清曬。狀態 列表如下：
| 狀態 | 列表 |
|---|---|
| 正面 |
衛士（Defender）、
免疫（Immunity）、
堅韌（Resilience）、
護盾（Shield）、
活力（Vitality） |
| 負面 | 
中毒（Poison）、
賞金（Bounty）、
鎖定（Lock）、
重傷（Bleeding）、
佚亡（Doomed）、
潛伏（Spying）、
破裂（Rupture） |
Q. （進階玩法）咩野係長局／短局，同埋點解咁重要？
A. 長短局冇嚴格定義，打得愈多回合就愈長，愈少回合就愈短。
唔少卡組依賴「引擎」（Engine）於長局打點數。「引擎」就係 企場愈耐收益愈高 既牌，
例如 Aretuza Adept, Sly Seductress, Svalblod Cultist 等，太多不能盡錄。
如果你副卡組有強力引擎卡，咁你要贏就要打長局：長局可將引擎既價值擴至最大。
長局卡組既一個常見致勝策略係：贏 R1 ＞ R2 唔出牌直接 Pass ＞ R3 打長局。
同樣道理，如果你認為對手長局比你強，你可以贏 R1，再 R2 逼牌（Bleed）。
然後你可以：
1。直接二比零。做到當然最好，但唔好強求。
2。逼到佢冇牌／得番幾張手牌再 Pass。咁 R3 就會比較短，對方引擎既發揮會受限制。
3。逼出對手關鍵牌再 Pass。對陣某啲依賴強力單卡／Combo 既卡組時通常需要咁做。
逼牌既時候要考慮番你自己副卡組既能力，因為 R3 短局代表你自己既引擎都發揮受限。
留意 R2 逼牌有蝕卡差既風險，請自己斟酌。
視乎你同你對手既卡組，有時逼牌真係必須，如果唔逼牌基本上冇可能贏。
所以想上 Rank 就一定要掌握逼牌既時機同做法。
Q. （進階玩法）咩野係卡差（Card Advantage／CA）？先手定後手著數啲？
A. 請睇以下連結：
先手有時有優勢（例如某啲引擎卡組內戰），但絕大部分情況都係後手佔優。
R2 同 R3 由上一小局獲勝既玩家先手（平局則上一局後手玩家變先手）。
雖然 卡差 影響巨大，但要緊記 卡差不代表全部，唔同對局下 卡差 重要性唔同。
有時你 寧願蝕卡差都要贏 R1，以求 R3 有得打長局（R2 直接 Pass）；
又或者 寧願蝕卡差都要係 R2 逼牌，以求逼出對手關鍵牌／令 R3 變短局。
Q. （進階玩法）咩野係最後一手（Last Say）？
A. 最後一手 就係字面意思：決勝局最後一回合出牌既權利。
正常情況係進入決勝局時 雙方手牌數相同，咁 後手方就有最後一手。
又或者係進入決勝局時 雙方手牌數唔同，咁 較多手牌一方（不論先後手）就有最後一手。
（輸一卡贏 R1 + R2 冇蝕卡差 = 有最後一手。又或者後手專利：R1 平卡贏／賺兩卡輸都得。）
最後一手 重要係因為佢無法被反制，可以無顧慮地打出高點數卡或最大化破壞對手點數。
高手場唔少勝負純粹係睇邊位玩家有決勝局既 最後一手。
同卡差一樣，唔同對局下 最後一手 既重要性唔同，要自行判斷值唔值得為佢搶 R1。
Q. 點樣提升自己勝率？
A. 昆特重視既係技術同對 Meta 既認識。
技術黎講，首先你要明白上面講既概念。最基本既就係先手盡力保卡差，後手嘗試搶卡差。
對 Meta 既認識同樣重要，甚至比技術重要：你要知道有咩主流卡組，知道主流卡組同你自己果副既強弱點（起碼要知長短局表現）。
活用自己優點，再針對敵方弱點，咁先打得上去。
另外，睇高手打牌極有用，可以令你牌技快速進步。