課金/單人模式相關
Q. 新手課咩最好？
A. Premium Pass ＋（特價時既）單人模式 Thronebreaker ＋ 陣營包 ＋ 新手包。
如果等到 Thronebreaker 半價，課齊以上四樣約需 200 港元。
留意手機版同 PC 課金用既貨幣唔同，實際價格可能有少少出入。
Q. Thronebreaker 係咩黎？
A. Thronebreaker（中譯「王權的隕落」） 係一隻獨立於昆特既單機遊戲。
遊戲講述萊里亞及利維亞女王米薇既故事。傑洛特都有出場，不過只出現咗一次 
遊戲內戰鬥以昆特牌形式進行。如果認真玩，大約需要兩三日爆機。
個人認為 Puzzle 同 Special Rule 戰鬥值得一玩。遊戲難度唔高，開到最難都係輕鬆玩。
呢個遊戲講故為主。如果你對 Witcher 故事感興趣既話，呢個遊戲就岩你。
如果打唔贏／唔想打，可以先較最低難度，然後入戰鬥＞投降＞ Skip Battle。
Thronebreaker 有繁體中文同普通話配音。
Q. 買 Thronebreaker 有咩野送？
A. Thronebreaker 既回報係：
- 買完即送既 5 個閃桶
- 買完即送既 Thronebreaker 普卡（值 2030 碎片）
- 只能在遊戲內開寶箱獲得 既 Thronebreaker 閃卡
- 全成就 一共 56 獎勵點
- 一堆頭像／邊框／稱號
- 一隻單機遊戲。
56 獎勵點最少都可以換約 2800 礦。如果運用得當可賺更多。
因為有 全成就存檔 呢招密技，所以買 Thronebreaker 係全昆特性價比最高既課金項目。
只需用半日時間就可以攞到差唔多所有獎勵，價格又唔太貴，非常抵買。
（感謝 打火石 巴打既提問，佢比我連續誤導咗兩次
）。
Q. 點樣課卡包／單人模式 Thronebreaker？
A. 手機版可以直接課卡包；PC 版就要到 Steam／GOG 課。
玩任何版本既 Thronebreaker 都可以攞到昆特既獎勵。
Thronebreaker 手機版冇得用存檔大法。冇咁多時間玩既話都係推薦買番 PC 版（Steam／GOG）。
如果你係手機版入坑，買 Thronebreaker 前要先保證你 PC 同手機版個昆特帳號相通。
另外 Thronebreaker 可以等特價，上次 四折 只售港幣 60 蚊左右。
如果想支持 CDPR 既話，課金時就要用 GOG，因為其他平台有抽成（Steam／Apple／Google 全部抽 30%）。
Q. 唔想玩／冇時間玩 Thronebreaker，但又想要獎勵，點算？
A. 可以使用全成就存檔。 再提一次：手機版冇得用存檔大法。
（以下資訊出自MYGLIVE@Bilibili）
先下載咗呢個檔先。解壓縮後再跟住入面文檔既步驟做就得。
文檔開頭有兩條片既連結，可以開黎睇下佢點做。
麻煩用之前先將自己既存檔備份。
用呢個方法可以直接做完所有成就＋攞曬獎勵。
不過都係推薦大家玩下隻 Game 啦，當睇故仔都唔錯的。
有心玩既人可以唔睇住攻略玩，因為就算 Miss 咗成就都可以用全成就存檔補上。
（在此感謝 miracle 巴打，呢個方法係佢搵到既）