遊戲內資源相關
Q. 遊戲內點賺資源？
A. 資源分四種（下圖左至右）：
獎勵點（Reward Point）、礦石（Ore）、碎片（Scrap）、星塵（Meteorite Powder）。
獎勵點用黎開獎勵冊（Reward Book）；礦石用黎買桶；碎片用黎合卡；星塵用黎整閃卡／買飾品。
昆特既資源獎勵主要以 獎勵點 形式發放。賺取資源方式如下：
1.每日登錄獎勵
2.升級獎勵
每升一級送 1 獎勵點。
每個星期三上午 7 點到星期四上午 7 點係昆特日（Gwentsday），有 25%經驗值加成。
3.旅程（Journey）升級獎勵（旅程進度計算器）
遊戲內每獲 1 小勝 （三盤兩勝既小勝） 就獲得 1 皇冠點數（Crown Points／CP）。
儲齊 24 皇冠點數就可升級，並獲得相應獎勵。
如果你有高階旅程通行證（Premium Pass）就可獲更多獎勵。
每星期會出 3 個皇冠任務（有 Premium Pass 就再多 3 個），做完即送 20 皇冠點數。
皇冠任務要 按先後次序做，但可以儲埋做，而且冇時限（除咗旅程本身既時限）。
另外，每日頭 14 小勝 會額外獎勵 1 皇冠點數（Well-rested bonus），每日上午 8 點重置。
（例如：6 小勝=6*2=12 皇冠點數；14 小勝=14*2=28 皇冠點數；18 小勝=14*2+4=32 皇冠點數）
4.日常任務
每日登入都會比一個任務，同一時間最多有三個任務。
可以撳右上角
換任務，每日可換一次（聲望等級 2 或以上可換兩次）
5.完成委託（Contract）
例如「令敵方流血 1000 次」委託送 7 獎勵點。
去主界面撳左上角自己頭像，再撳委託就可睇曬所有委託既達成條件同獎勵。
6.賽季末獎勵
請參閱天梯排位 Section。
Q. 新手點樣用獎勵點（Reward Point）最好？
A. 先揀一個獎勵樹，然後以最短路徑開曬入面既
劇情節點（Story Node）。
同一個獎勵樹內，開得愈多劇情節點就愈多礦石（開第 4 個直接比 500 礦！），CP 值最高。
開曬 4 個劇情節點後就可以轉開另一個獎勵樹。
優先開 松鼠黨／史凱利格 ／猩紅詛咒（Crimson Curse）獎勵樹，呢三個開劇情節點最快。
開寶箱既礦石回報比開劇情節點少，不過有唔少其他野送，開唔開隨意。
最後開星塵，因為純粹裝飾用，對新手集卡零幫助。（資源充足既老手就要開星塵）
Team Leviathan: Reward Book Guide for Ore 可以用黎睇咩獎勵樹最抵開。
Q. 用邊款自動分解設置比較好？
A. 缺乏資源既新手一定係揀 資源產出型（Resource Focused）。
另外，昆特 冇得原價分解削弱／重製咗既卡。
Q. 對面既領袖 Skin／卡背／邊框好靚，點樣入手？
A. 參考The Trendy Gwentleman.
入面有齊所有頭像／邊框／稱號／卡背／領袖 Skin 既出處。
Q. 咩係聲望等級（Prestige）？
A. 每次升到 60 級後，再升多 1 級就會將你重設為等級 1，並提升 1 聲望等級。
例如聲望等級 1：開桶前 4 張卡必有 1 張係稀有或以上。
其中又以 聲望等級 5 既獎勵最顯著，可以大大加快你收齊閃卡既進度。
不過就算你狂玩都唔知玩幾耐先升到，當睇下算喇。
因為聲望等級呢樣野，你見到既等級 1 對手可能實際係等級 1／61／121，etc…
要睇佢等級數字背後既旗幟係咩樣先判斷到佢實際等級。